“Rusiya hakimiyyətinin onu rəsmən bağışlaması və Belarusa köçməsinə icazə verməsinə baxmayaraq Moskvaya yürüş edən “Vaqner” PMC-nin rəhbəri Yevgeni Priqojin üçün təhlükə hələ də yan keçməyib”.

KONKRET.az xəbər verir ki, bu barədə ABŞ-ın nüfuzlu CNN nəşrinin Moskva bürosunun keçmiş rəhbəri və Rusiya məsələləri üzrə ekspert Jill Dogerti məlumat verib.

O bildirib ki, Putin satqınları bağışlamır:

“Priqojin yürüşü dayandırsa belə, o, yenə də satqındır və güman ki, Putin onu heç vaxt bağışlamayacaq”, – deyə CNN-in Moskva bürosunun keçmiş rəhbəri və Rusiya məsələləri üzrə ekspert Jill Dogerti qeyd edib.

O əlavə edib ki, Priqojin Belarusda aradan götürülə bilər.

“Lakin bu, Moskva üçün çətin dilemmadır. Çünki Priqojinin dəstəkçisi çoxdur, o, harada olmasından asılı olmayaraq, təhlükədir”, – deyə Dogerti əlavə edib.

Günel Mikayılova,

KONKRET.az