“İşğalçılar minlərlə ukraynalının təxliyə üçün toplaşdığı Kramatorsk dəmiryolu vağzalını “Toçka-U” raketi ilə vurublar. Təxminən 30 nəfər həlak olub, 100-ə yaxın insan müxtəlif dərəcəli xəsarətlər alıb. Hadisə yerində polis və xilasedicilər işləyir. Rusiya qeyri-insani üsullarından əl çəkmir. Döyüş meydanında bizə müqavimət göstərməyə güc və cəsarət tapmayaraq, dinc əhalini həyasızcasına məhv edirlər. Bu, heç bir sərhədi olmayan şərdir. Əgər cəzalandırılmasa, heç vaxt dayanmayacaq”.
Qeyd edək ki, Rusiya qoşunları bu gün Donetskə iki raket zərbəsi endirib. Raketlər Kramatorsk dəmiryolu vağzalına düşüb. Nəticədə 30 nəfər həlak olub, 100-dən çox yaralı var. İlkin məlumatda vağzalın “İskander” raketi ilə vurulduğu bildirilib. Ukrayna Silahlı Qüvvələri bu gün Sumı əyalətini Rusiya işğalından azad ediblər.
Vəsilə İbrahim,
KONKRET.az