Rusiya prezidentinin mətbuat katibi Dmitri Peskov bildirib ki, Kreml Rusiyada ölüm hökmünün qaytarılması məsələsini müzakirə etmir.

KONKRET.az Rusiya mətbuatına istinadən xəbər verir ki, bundan əvvəl “Ədalətli Rusiya – Həqiqət naminə” partiyasının lideri Sergey Mironov ölüm hökmlərinin verilməsi və icrasının qaytarılması təşəbbüsü ilə çıxış edib.

“Kreml bunu ümumiyyətlə müzakirə etmir. Bu sual illər ərzində dəfələrlə qaldırılıb. Amma heç bir qərar verilməyib”, – deyə Peskov press-konfrans zamanı bildirib.