Rusiyanın Orsk şəhərindəki daşqın 3 nəfərin həyatına son qoyub.

KONKRET.az xarici mənbəyə istinadən xəbər verir ki, meyitlərin ikisi küçədə, biri evdə tapılıb: “Sonuncu şəxs cümə günü axşam təxliyə olunmaqdan imtina edib”.

Qeyd edək ki, aprelin 5-də baş verən daşqın nəticəsində Orskdakı bənd sıradan çıxıb. Səhərə yaxın şəhərin qədim hissəsinin yarısını su basıb və məhəllə təcrid təhlükəsi ilə üzləşib. Daşqın təhlükəsinə görə 4 mindən çox orenburqlu təxliyə edilib.

Xatirə SADİQ,

KONKRET.az