Ötən gecə Rusiyanın paytaxtı Moskvada mənzildə yanğın baş verib.

KONKRET.az xarici mediaya istinadən xəbər verir ki, bu barədə Rusiya Fövqəladə Hallar Nazirliyindən verilən açıqlamada bildirilib.

Paytaxtın Leninski prospektində 9 mərtəbəli binada baş verən yanğınla əlaqədar 400-ə yaxın insanın təxliyə edilib. Binanın damında başlayan yanğın ayrı-ayrı mənzillərə keçib.

Hadisə yerinə təxminən 150 yanğınsöndürən və helikopterin cəlb edilib.

Rusiya Nəqliyyat Nazirliyi yanğınla əlaqədar şəhərdə nəqliyyatda fasilələr yarandığını açıqlayıb.

Yanğın söndürülüb, hadisənin səbəbləri araşdırılır.

İqbal Rzayev,

KONKRET.az