İranın paytaxtı Tehranda partlayış baş verib.

KONKRET.az xəbər verir ki, bu barədə “Fars” agentliyi məlumat yayıb.

Bildirilib ki, Rey şəhərinin Alain rayonunda mənzildə baş verən qaz partlayışı nəticəsində 5 nəfər ölüb, 7 nəfər yaralanıb.

Hadisə ilə bağlı açıqlama verən Tehran Xilasetmə Qrupunun sözçüsü Cəlal Mələki partlayışda 3-ü qadın olmaqla 5 nəfərin həyatını itirdiyini bildirib.

Onun sözlərinə görə, zərər çəkənlərin hamısı Pakistan vətəndaşlarıdır.

Qeyd olunub ki, hadisə zamanı xəsarət alan 7 nəfər təcili yardım maşınları ilə xəstəxanalara aparılıb.

İqbal Rzayev,

KONKRET.az