“Hər bir həkimin məzuniyyətə çıxmaq haqqı var. Hazırda pandemiya dövründə yaşayırıq. Bu dövrdə təqaüddə olan həkimlər belə ehtiyac yaranarsa, işə cəlb oluna bilər”.
KONKRET.az-ın məlumatına görə, bunu Operativ Qərargahın keçirdiyi mətbuat konfransında TƏBİB-in Xəstəliklərin kontrolu və profilaktikası şöbəsinin müdiri Yaqut Qarayeva bildirib.
Onun sözlərinə görə, həkimlərin məzuniyyətə çıxmasını həmin müəssisənin rəhbəri tənzimləməlidir:
“Lakin həkimlər ehtiyac olacağı təqdirdə geri çağırılmaq şərtilə məzuniyyətə buraxıla bilər”.