“Sabahdan etibarən bazar və marketlər kimi insanların çox olduğu yerlərdə əhalinin maska geyməsi məcburidir. Küçələrdə sosial məsafə ən azı 3 addım olacaq”.

KONKRET.az xəbər verir ki, bunu Türkiyə Prezidenti Rəcəb Tayyib Ərdoğan yeni növ koronavirusla (COVİD-19) mübarizə ilə əlaqədar açıqlamasında deyib.

Prezident bildirib ki, Türkiyədə 65 yaşa qədər insanların küçəyə çıxma qadağası bu gecədən başlayaraq 20 yaşa qədər gənclərə də şamil olunacaq.

Hazırda dünyada COVİD-19-a yoluxanların sayının 1 milyon 30 minə, ölənlərin sayının isə 55 minə çatdığını vurğulayan R.T.Ərdoğan bildirib ki, digər ölkələrlə müqayisədə Türkiyənin bu təhlükəli virusla mübarizəsi qənaətbəxş hesab oluna bilər: “Maska başda olmaqla təmizlik vasitələrini Türkiyə özü istehsal etdiyi üçün COVİD-19-la mübarizədə xarici ölkələrdən asılılığımız yoxdur”.

Prezident şəxsi avtomobillər də daxil olmaqla şəhərlərarası giriş-çıxışlara məhdudiyyət qoyulduğunu deyib.

Ərdoğan, həmçinin, Türkiyənin 30 böyük şəhərinə yalnız zəruri ehtiyacları ödəyən avtomobillərin girişinin mümkün olacağını vurğulayıb.

Apa.az