ABŞ ilə Ukrayna arasında uzaqmənzilli JASSM raketlərinin tədarük edilməsi məqsədilə saziş bağlanacaq.

KONKRET.az “Reuters”ə istindən xəbər verir ki, uzaqmənzilli qanadlı raketlər Rusiya ərazisinin dərinliklərinə nüfuzetmə qabiliyyətinə malikdir.

ABŞ bu raketləri Ukrayna Silahlı Qüvvələrinə göndərməzdən əvvəl texniki məsələləri həll etməyə çalışır.

Adı açıqlanmayan ABŞ rəsmilərinin fikrincə, Ukraynaya JASSM raketlərinin göndərilməsi münaqişənin strateji mənzərəsini əhəmiyyətli dərəcədə dəyişə bilər.

Bundan əlavə, agentlik hərbi ekspertlərə istinadən bildirir ki, sözügedən raketlərin Ukrayna Silahlı Qüvvələrinə təhvil verilməsi Rusiyanın təchizat anbarlarını yüzlərlə mil geriyə atacaq.

Məlumata görə, köhnə JASSM modelləri təxminən 370 km məsafə qət edir.

Aygün Mirakif,

KONKRET.az