Gələn il Ukraynanın cənubundakı kənd təsərrüfatı sahələri səhraya çevrilə bilər.

KONKRET.az yerli mediaya istinadən xəbər verir ki, bu barədə Ukraynanın Aqrar Siyasət və Ərzaq Nazirliyi məlumat yayıb.

Qeyd olunub ki, Kaxovka SES-in dağıdılmasından sonra Ukraynanın nəzarətində olan Dnepropetrovsk, Xerson və Zaporojye vilayətlərində suvarma sistemlərinin 30 faizdən 94 faizə qədəri susuz qalıb.

Belə ki, bu, balıqçılıq sənayesi də təsir edib.

Xatırladaq ki, Ukraynada Kaxovka SES-in bəndi məhv edilib. Su Elektrik Stansiyası 2022-ci ilin fevralında Şimali Krım kanalı ilə birlikdə Rusiya tərəfindən işğal olunub.

İqbal Rzayev,

KONKRET.az