Valideynlərə ŞAD XƏBƏR – Şagirdlərin çantaları yüngülləşdirilirbackend

Valideynlərə ŞAD XƏBƏR - Şagirdlərin çantaları yüngülləşdirilir

Dərsliklərin çəkisinin yüngülləşdirilməsi istiqamətində işlər görülür.

Konkret.az xəbər verir ki, ümumtəhsil müəssisələrinin I sinifləri üçün yeni hazırlanan və bəzi məktəblərdə pilot layihə şəklində istifadəyə veriləcək “Azərbaycan dili” və “Riyaziyyat” dərslikləri, biri digərinin davamı olaraq 2 hissəli şəkildə tərtib edilib.

Bu dərsliklən I hissəsi birinci yarımillik üçün, II hissəsi isə ikinci yarımillik üçün nəzərdə tutulub.

Təhsil Nazirliyinin Tədris resursları şöbəsinin baş məsləhətçisi Vüsalə Əliyeva bildirib ki, Azərbaycanda I sinfə gedən şagirdlərin çantasında olan kitablar cəmi 1 kiloqram 200 qram təşkil edir.

Bu isə beynəlxalq standartlara tam uyğundur. Onun sözlərinə görə, müəllim və valideynlər ağır dərslik problemini birlik də həll edə bilərlər.

Bunun üçün dərsliklər sinif otağında qala bilər və şagirdlər evdə elektron vəsaitlərdən istifadə etməklə tapşırıqları yerinə yetirə bilər.

Qeyd edək ki, Təhsil Nazirliyi bu il I-XI sinif şagirdləri üçün ümumilikdə 322 adda 5 milyon 668 mindən çox kitab və metodik vəsait nəşr edərək onları lazımı yerlərə çatdırıb.

Konkret.az

 

Bir cavab yazın