Yaponiya Milli Polis Təşkilatının rəhbəri İtaru Nakamura istefa verdiyini açıqlayıb.

KONKRET.az xarici mediaya istinadən xəbər verir ki, onun istefası avqustun 26-da Nazirlər Kabinetinin iclasında qəbul ediləcək.

O, iyulun 8-də Yaponiyanın keçmiş baş naziri Sindzo Abenin öldürülməsi zamanı təhlükəsizlik sisteminin mükəmməl olmaması səbəbindən vəzifəsini tərk etmək qərarına gəlib.

Qeyd edək ki, keçmiş hökumət başçısı iyulun 8-də Nara şəhərində seçki mitinqində güllələnib. Yerli polis rəisi Tomoaki Onizuka da hadisə ilə bağlı istefa vermək niyyətində olduğunu bildirib. Abenin dəfn mərasimi sentyabrın 27-də keçiriləcək.

İqbal Rzayev,

KONKRET.az