Bakı-Qazax avtomagistralında yük maşını ilə minik avtomobili toqquşub. Hadisə nəticəsində yaralananlar var.
KONKRET.az-ın bölgə müxbirinin verdiyi məlumata görə, qəza magistralın Yevlax rayonunun Aran qəsəbəsi yaxınlığından keçən hissəsində baş verib.
“VAZ” markalı avtomobilin yük maşını ilə toqquşması nəticəsində Şəki sakinləri 1957-ci il təvəllüdlü Rahilə Mustafayeva və 1963-cü il təvəllüdlü Məlahət Alməmmədova yaralanıb. Hər iki yaralı xəstəxanaya yerləşdirilib.
Faktla bağlı araşdırma aparılır.
Ehtiram Muradov,
KONKRET.az