Rusiya Xarici İşlər Nazirliyinin rəsmi nümayəndəsi Mariya Zaxarova Donald Trampın Qrenlandiya və Kanada ilə bağlı mövqeyinə cavab verməyib.

KONKRET.az TASS-a istinadən xəbər verir ki, diplomat hələ  Trampın prezident səlahiyyətlərinə başlamadığından onun sözlərinin  qiymətləndirilməsini çox tez hesab edir: “O, rəsmən prezident olanda, səlahiyyətlərini tam yerinə yetirəndə, Birləşmiş Ştatların dövləti və xalqı adından rəsmi olaraq çıxış edəndə Trampın çıxışlarını qiymətləndirib təhlil etmək  olar.” Xatırladaq ki, Tramp Mar-a-Laqodakı iqamətgahında çıxışı zamanı Qrenlandiyanın ABŞ-nin tərkibinə qatacağını bildirmişdi. O, Qrenlandiyanın milli təhlükəsizlik və azad dünyanın müdafiəsi üçün strateji əhəmiyyətinə diqqət çəkib. Eyni zamanda, ABŞ-nin gələcək prezidenti Qrenlandiya və Panama kanalı üzərində nəzarəti bərqərar etmək üçün hərbi gücdən istifadə etməyəcəyinə dair vədlər verməyib. Bundan əvvəl Tramp Kanadanın ABŞ-nin 51-ci ştatı  olmasını da təklif etmişdi .

Vəli Həsənoğlu,

KONKRET.az