Zatulin və Simonyanın Ermənistana girişin qadağan edilməsi ilə bağlı məlumat Moskvanı çaş-baş salıb.

KONKRET.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

O bildirib ki, Konstantin Zatulin və Marqarita Simonyanın Ermənistana girişin qadağan olunması ilə bağlı məlumatı çaşqınlıqla qəbul edirik.

“Onların motivasiyasına gəlincə, mən Konstantin Zatulin və Marqarita Simonyan Ermənistana girişi qadağan edənlərlə bununla bağlı əlaqə saxlasın. Bu cür bəyanatları və ya xəbərləri çaşqınlıqla qəbul edirik. Xatırladım ki, söhbət Rusiya Federasiyası Dövlət Dumasının deputatından və Rusiya mətbuatının baş redaktorundan gedir.

Biz diplomatik kanallar vasitəsilə rəsmi təsdiq və dəqiqləşdirmə üçün dərhal Ermənistan tərəfinə müraciət etdik. Bir daha vurğulayım ki, bu məlumat təsdiqlənərsə, bunu dostluq addımı kimi dəyərləndirmək çətindir. İrəvandan rəsmi cavab aldıqda, bundan sonra növbəti addımlar, reaksiyalar və s. barədə qərar verəcəyik”, – deyə Zaxarova vurğulayıb.

O əlavə edib ki, həm Zatulin, həm də Simonyan Ermənistan-Rusiya müttəfiqlik əlaqələrinin möhkəmlənməsinin tərəfdarıdırlar.

“Heç bir şübhə doğurmamalı olduğunu düşünmürəm. Onlardan başqa heç bir açıqlama eşitməmişəm. Mən doğrudan da istəməzdim ki, indiki şəraitdə, Qərb məqsədyönlü şəkildə Cənubi Qafqazdakı vəziyyəti sarsıtmağa, Moskva ilə İrəvan arasında münasibətlərə zərbə vurmağa çalışdığı bir şəraitdə hər hansı süni səbəblər uydurulsun”, – deyə o əlavə edib.

Xuraman Etibarlı,

KONKRET.az