ABŞ səlahiyyətliləri koronavirusdan ölüm sayının artacağı təqdirdə Pentaqonun cəsədlərə görə yüz min kisə ayırması üçün adıçəkilən quruma sorğu yollayıb.

KONKRET.az-ın məlumatına görə, belə bir ilginc xəbəri Bloomberg yayıb.

Sorğu fövqəladə hallar üzrə Federal Agentlik (FEMA) tərəfindən göndərilib. Birləşmiş Ştatlar ərazisində koronavirus infeksiyasının yayılmasının və həlak olanların sayının artmasının mümkünlüyündən ehtiyatlanan hərbçilər cəsədlər üçün əlavə kisələrin alınması imkanlarını nəzərdən keçirməyə başlayıblar. Hazırda Pentaqon öz ehtiyatlarından lazımi miqdarda kisə ayıra bilər.

Hazırda ABŞ koronavirus infeksiyasının yayılması üzrə dünyada birinci yerdədir. Con Hopkins Universitetinin məlumatına görə, ölkədə yoluxmuş şəxslərin sayı 215 mini keçib, 5 mindən çox ölüm halı qeydə alınıb, 8,4 min nəfər isə xəstəliyə qalib gələ bilib.

Daha əvvəl RİA LİVE24 ABŞ-da insan cəsədlərinin komposta (üzvi gübrəyə-red.) çevrilməsi texnologiyasının sınaqdan keçirdiyini bildirmişdi.

Sfera.az