Birləşmiş Ştatlar İran neftinin və neft-kimya məhsullarının Şərqi Asiyada on milyonlarla dollarlıq satışına kömək edən Çinə qarşı sanksiyalar tətbiq edib.
KONKRET.az xarici mediaya istinadən xəbər verir ki, ABŞ Maliyyə Nazirliyi və Dövlət Departamenti dördü Honq-Konqda, biri Sinqapurda, digəri isə Birləşmiş Ərəb Əmirliklərində (BƏƏ) yerləşən altı şirkətə qarşı sanksiya tətbiq edib.
Maliyyə Nazirliyi İranın ən böyük neft-kimya brokerlərindən biri olan “Fars Neft” və “Qaz Sənayesi Ticarət Şirkəti”ni (PGPICC) neft məhsullarının Şərqi Asiyaya satışını asanlaşdırmaq üçün firmalarla iş birliyinə girməkdə ittiham edib.
Bu səbəbdən də ABŞ-dakı şirkətlərin aktivləri dondurulub və ümumiyyətlə amerikalılara onlarla iş görmək qadağan edilib.
Müşviq Tofiqoğlu,
KONKRET.az