“Qarşıdakı ayda bir neçə qubernator istefası baş verə bilər”.

KONKRET.az xəbər verir ki, bu barədə Rusiyanın prezident administrasiyasına yaxın olan mənbələr məlumat yayıb. Üç qubernatorun istefası gözlənilir. Səbəb isə regional rəhbərlərin federal səviyyəyə keçidi və əksinə, keçmiş federal məmurların qubernator vəzifələrinə təyin edilməsi olacaq. Digər səbəb kimi isə göstərilir ki, rotasiya səlahiyyət müddətinin 2024-cü ildən gec başa çatanlar istefaya gedəcək.

Böyük ehtimalla, istefalar regionların rəhbəri kimi ilk səlahiyyət müddəti bu il başa çatan qubernatorlara təsir etməyəcək. Ancaq üç mənbə ehtimal olunan istisnalardan birini adlandırır: Orenburq vilayətinin qubernatoru Denis Pasler.

Rus mediası 2023-cü ilin noyabrında Paslerin yazda baş tuta biləcək mümkün istefası barədə yazmışdı. Mənbələr təsdiqləyirlər ki, onun dəyişdirilməsi variantı indi də nəzərdən keçirilir.

Vəzifəsini itirəcək məmurlar arasında Nijni Novqorod vilayətinin başçısı Qleb Nikitinin də adı var. Nikitin Nijni Novqorod vilayətinə gəlməzdən əvvəl sənaye və ticarət nazirinin müavini olub. Kalininqrad vilayətinin qubernatoru Anton Alixanovun da adı tez-tez hallanır. İrkutsk vilayətinin qubernatoru İqor Kobzevin federal hakimiyyətə mümkün keçidindən danışılır.

Nijni Novqorod, İrkutsk və Orenburq vilayətlərinin hökumətlərinin mətbuat xidmətlərinə sorğular göndərib. Kalininqrad vilayəti hökumətinin informasiya siyasəti və media ilə qarşılıqlı əlaqə şöbəsinin müdiri Dmitri Lıskov bildirib ki, bölgədə Alixanovun getməsi barədə heç nə bilmir.

Günel Mikayılova,

KONKRET.az