Donald Tramp böyük oğlunun bir neçə nümayəndə ilə Qrenlandiyaya səfər edəcəyini açıqlayıb.

KONKRET.az xəbbər verir ki, bu barədə o, özünün “Truth” sosial şəbəkə hesabında yazıb. O, kiçik Donald Trampın ən gözəl və maraqlı yerlərlə tanış olacağına aydınlıq gətirib. Siyasətçi həmçinin qeyd edib ki, qrenlandiyalılar  ABŞ-nin tərkibinə daxil olarsa, əhali əhəmiyyətli faydalar əldə edəcək. Qeyd edək ki, Danimarka gerbini Trampa görə dəyişib. 500 il ərzində əvvəlki Danimarka kral gerblərində Danimarka, Norveç və İsveç arasında Kalmar birliyini simvolizə edən 3 tac var idi. Gerbin yeni variantında mərkəzi qalxanın üçüncü sahəsində ənənəvi olaraq təsvir edilən taclar götürülüb. Əvəzində ikinci və üçüncü sahələr müvafiq olaraq Qrenlandiya və Farer adalarının gerblərində yerləşdirilən qütb ayısının və gümüş qoçun böyüdülmüş təsvirləri ilə əhatə olunub.

Vəli Həsənoğlu,

KONKRET.az