ABŞ-nin Oreqon ştatının Korvallis şəhəri yaxınlığında yük qatarı hərəkət edərkən körpü uçub.

KONKRET.az xəbər verir ki, bu barədə KPTV “Portland & Western Railroad” şirkətinə istinadən məlumat yayıb.

Məlumata görə, insident nəticəsində bir vaqon çaya düşüb.

Hadisə Korvallisdəki Averi parkı yaxınlığında baş verib. Körpü üzərindən azot gübrəsi karbamidini daşıyan 19 vaqondan ibarət qatar keçərkən çöküb. Körpünün uçma səbəbləri hələlik məlum deyil.

Yerli sakinlərdən hadisə yerindən uzaq durmaq və çaya girməmək xahiş olunub.