Dünyanın ən etibarlı avtomobillərinin siyahısı açıqlanıb.
KONKRET.az xəbər verir ki, reytinq “HotCars” portalı tərəfindən tərtib edilib. Buraya 805 min km-dən çox məsafə qət edə bilən avtomobillər daxildir.
Siyahıya 2010-2015-ci illərin Hyundai Elantra avtomobili başçılıq edir. Avtomobil 132 at gücü hasil edən 1,6 litrlik mühərriklə təchiz edilib. 1,6 milyon km-dən çox məsafə qət etməyə qadirdir. Chevrolet Silverado pikap maşını (1988–2002) ikinci, Ford Super Duty (2011–2016) isə üçüncü yeri tutub.
İlk beşliyə həmçinin Toyota Tacoma (2005-2015) və Porsche 911 Turbo (1973-1989) daxil olub.
Siyahıda sonrakı yerləri Honda Accord (1990-1993), Mercedes-Benz E-Class (1993-1996) və Chevrolet Corvette (1997-2004) tutur. Bir qədər zəif nəticələr Volkswagen Golf (2003-2008), Nissan Frontier (2005-2007), Mazda MX-5 (1989-1997) və Ford Mustang (1964-1973) tərəfindən göstərildi.
Burhan,
KONKRET.az