Rusiya Ukraynada uzunmüddətli müharibə planlaşdırır.

KONKRET.az xəbər verir ki, bunu Latviya prezidenti Edqars Rinkeviç deyib.

“Beynəlxalq sülh üçün həqiqətən mübarizə aparmaq vacibdir, çünki biz Ukraynada Rusiyanı dayandırsaq, o zaman Rusiya digər ölkələrə meydan oxuya bilməyəcək”, – Rinkeviç bildirib.

Prezidentin sözlərinə görə, bəzi Aİ üzvlərinin “öz rəyi” olmasına baxmayaraq, sonda blok Rusiyaya qarşı sanksiyalar tətbiq etməyə və Ukraynaya əlavə dəstək verməyə razılaşıb.

“Maraqlıdır ki, hazırda Aİ Ukraynadan çox Yaxın Şərqə gəldikdə daha çox parçalanır.

Qərbin Ukrayna və İsrailə dəstək verməsi vacibdir. O, həmçinin Fələstin vətəndaşlarına yardım göstərmək üçün Qəzzadakı döyüşlərdə humanitar fasilənin vacibliyini xatırladıb.

“Mən də inanıram ki, Ukrayna uğur qazanarsa, Avropada sülhü qorumaq bizim üçün çox asan olacaq”, – Latviya lideri qeyd edib.

Ariz Həsənoğlu,

KONKRET.az