Fransa tarixinin ən isti gününü yaşayıb.

KONKRET.az xəbər verir ki, bu haqda “Meteo-France” agentliyi məlumat yayıb.

Gün ərzində ölkə üzrə orta temperaturun 29,8 dərəcəyə çatması ilə Fransa tarixində ən isti gün olduğu açıqlanıb.

Bir çox vilayətdə xəbərdarlıq səviyyəsinin narıncı və qırmızıya yüksəldiyi və ölkədə həddindən artıq istilərin iyunun 25-dək davam edəcəyi bildirilir.

Fransanın Milli Təhsil Naziri Eduard Geffray qeyd edib ki, ölkədə həddindən artıq istilər səbəbindən təxminən 1800 məktəbdə dərslər dayandırılıb, 8000 məktəb isə iş saatlarını tənzimləyib.

Parisin simvolu və turistlərin məşhur məkanı olan Eyfel qülləsi bu gün isti hava səbəbindən ziyarətçilərin üzünə erkən bağlanıb.

Eyfelin qarşısındakı məlumat lövhəsində yerləşdirilmiş elana görə, həddindən artıq istilər səbəbindən qüllə yerli vaxtla saat 16:00-da ziyarətçilərə bağlanıb.\\“Qafqazinfo”