“İsrail ABŞ-ın Suriyadan çıxmasının Türkiyənin iştahını artıracağından qorxur”.

KONKRET.az xəbər verir ki, bu barədə İsrailin “Ynet” portalı rəsmi mənbəyə istinadən yazıb.

“Amerika qoşunlarının Suriyadan çıxarılması baş verərsə, bu, yalnız qismən həyata keçiriləcək. Lakin İsrail bunun Türkiyə ilə münasibətlərdə gərginliyin artmasına səbəb olacağından ehtiyat edərək prosesin qarşısını almağa çalışır. Ankara Suriyanın keçmiş prezidenti Bəşər Əsədin devrilməsindən sonra açıq şəkildə bölgədə öz nəzarətini genişləndirməyə çalışıb. Hazırda Amerika qoşunları Suriyanın şərqində və şimalında bir neçə strateji bölgədə yerləşərək sabitləşdirici qüvvə kimi çıxış edir. İsrail ehtiyat edir ki, onların geri çəkilməsi Türkiyənin yerdəki əlavə strateji hərbi obyektləri ələ keçirmək iştahını artıracaq. Adının çəkilməsini istəməyən rəsmilərdən biri Suriyadakı Amerika hərbçilərinin sayının təxminən 1000 nəfər olduğunu bildirib”, – nəşr vurğulayıb.

Müşviq Tofiqoğlu

KONKRET.az