İtaliya Rusiya və Belarus vətəndaşlarına sərmayə qoyuluşu müqabilində “qızıl viza”ların verilməsi proqramını müvəqqəti dayandırır.

KONKRET.az xəbər verir ki, bu barədə çərşənbə axşamı, avqustun 8-də İtaliyanın “Affari Italiani” qəzeti məlumat yayıb.

Bununla bağlı Avropa Komissiyasının tövsiyəsi 2022-ci il martın sonunda verilib. İtaliya hökumətinin əmri ilə viza verilməsinin  dayandırılması yalnız 2023-cü il iyulun ortalarında baş verib. Nəşrin məlumatına görə, ötən il İtaliya Rusiya Federasiyasının onlara müraciət edən 36 vətəndaşından ən azı 32-nə iki illik “investor” vizası verməyə nail olub.

Açıq mənbələrdən əldə edilən məlumata görə, “investor” vizası iki il müddətinə verilib, investisiyalara qənaət etmək şərti ilə daha üç il müddətinə uzadılması mümkün olub. Alındıqdan beş il sonra daimi yaşayış icazəsi üçün, daha beş ildən sonra isə İtaliya vətəndaşlığı üçün müraciət etmək mümkündür.

Burhan,

KONKRET.az