Kann Film Festivalı koronavirusa görə təxirə salındıbackend

Kann Film Festivalı koronavirusa görə təxirə salındı

73-cü Kann Festivalı bu il iyunun sonunda və ya iyulun əvvəlində keçirilə bilər.

KONKRET.az xəbər verir ki, Kann Festivalının təşkilatçıları koronavirus epidemiyasına görə festivalın may ayının 12-dən 23-dək baş tutmayacağını bildiriblər.

“Optimizmi saxlayır və ümid edirik ki, koronavirus epidemiyasının pik nöqtəsi martın sonuna təsadüf edəcək. Ancaq vəziyyəti anlayırıq, vəziyyət dəyişməsə festival ləğv olunacaq”,-deyə festivalın prezidenti Pyer Lekür (Pierre Lescure) qeyd edib.

Kann şəhərində planlaşdırılmış bir çox böyük festivallar və sərgilər naməlum tarixə qədər təxirə salınıb.

Xatırladaq ki, 40 mindən 200 minədək professionalı birləşdirən Kann Festivalı əvvəllər də ləğv olunub. Birinci Kann Festivalı 1939-cu il sentyabrın 1-də Polşanın Almaniya tərəfindən işğalı günündə baş tutmalı idi. Ancaq iki gün sonra Fransa və Böyük Britaniya Almaniyaya qarşı müharibəyə başladıqları üçün festivalın keçirilməsi dayandırılır. Rəsmi olaraq birinci Kann Festivalı 1946-cı il sentyabrın 20-də açılır. Ancaq büdcə problemləri ilə üzləşən festivalın gələcəyi bir neçə il ərzində qeyri-müəyyən olaraq qalır və 1948 və 1950-ci illər festivalı ləğv olunur.

 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*