Hakimiyyətin KTMT tədbirlərində iştirakdan imtina etməsi Ermənistanın təhlükəsizliyinə əlavə təhdidlər yaradır.

KONKRET.az xəbər verir ki, bunu Hayastan fraksiyasının rəhbəri, keçmiş müdafiə naziri Seyran Ohanyan bildirib.

Ohanyan deyib ki, KTMT SSRİ-nin dağılmasından sonra yaranıb və onun başlanğıcında Ermənistan da olub. Aydındır ki, formalaşma yolu asan olmayıb, lakin inkişafında İrəvanın fəal iştirak etdiyi sənədli-hüquqi paket yaradılıb.

Məsələn, Ermənistan sülhməramlı qüvvə olan CRRF-nin yaradılmasında nümunə oldu. Baş qərargah rəisləri üçün platformanın yaradılmasının təşəbbüskarı Ermənistan  olub.

“Ermənistanın çətin hərbi-siyasi vəziyyətdə olduğu və təhdidlərin artdığı bir vaxtda KTMT-nin iclaslarında iştirak etməməsi yeni təhlükələrə yol aça bilər”, – Ohanyan qeyd edib.

Ariz Həsənoğlu,

KONKRET.az