Bazar günü səhər saatlarında erməni hərbçiləri tərəfindən Gəncəyə vurulan zərbə aqressiya və nifrətin göstəricisidir.
KONKRET.az xəbər verir ki, bu sözləri Axar.az-a açıqlamasında Ukrayna Ali Radasının deputatı Maksim Paşkovski bildirib.
“Hərbi nöqteyi-nəzərdən məna daşımayan bu zərbə nəticəsində mülki insanlar həlak olub. İnsanların həlak olması isə qəddarlığın nümunəsidir”, – deyə deputat qeyd edib.
O bildirib ki, hər zaman bir çıxış yolunu tapmaq mümkündür:
“Sizdə vəziyyət belədir: işğalçı qüvvələr suveren dövlətinizin ərazisini zəbt edir. Sizə güc və başınızın üzərində dinc səma arzulayıram!”