Hesablama Palatasının “Bakı Metropoliteni QSC”də keçirdiyi auditdən sonra metroda gediş haqqının maya dəyərinin şişirdilməsi barədə yaydığı rəsmi açıqlama metroda gediş haqqının endiriləcəyi məsələni gündəmə gətirib. 

KONKRET.az xəbər verir ki,i qtisadçı-ekspert Natiq Cəfərli isə Pravda.az açıqlamasında deyib ki, metro qiymətlərinin endiriləcəyi hələ ki mümkün görünmür:

“Tarif Şurası belə bir müraciətin daxil olması ilə bağlı məlumat verməyib. Məntiqlə, metroda gediş haqqı aşağı düşməlidir, amma bu, Azərbaycanda çətin məsələdir, çünki qiymət qalxandan sonra aşağı salınması ölkəmizdə çətin məsələdir. Hesablama Palatasının açıqlamasından sonra uzun müddət metro qiymətləri artmaya bilər. Bu, mümkündür. Belə yanaşma daha gözlənilən ola bilər”.