ABŞ hərbçiləri Moldovaya gəlib. Şimali Karolina Milli Hava Qvardiyasının C-17 təyyarəsi Kişinyov hava limanına eniş edib.

KONKRET.az xəbər verir ki, bu barədə ABŞ-ın Moldovadakı səfirliyi məlumat yayıb. Məlumata görə, amerikalı hərbçilərin olduğu təyyarə “Sülh qalxanı” təlimlərinə dəstək vermək üçün Moldovaya uçub.

“Şimali Karolina Qvardiyasının və ABŞ-ın Avropadakı Hərbi Hava Qüvvələrinin 35 üzvü Moldova Respublikası ilə əməkdaşlıqda fövqəladə hallar zamanı Moldova vətəndaşlarının təhlükəsizliyini təmin etmək üçün lazım olan cavab taktikalarını tətbiq edəcək”, – deyə məlumatda bildirilir. Bundan əlavə, C-17 təyyarəsi Amerika yardımı çərçivəsində Moldova Müdafiə Nazirliyinə veriləcək tibbi avadanlıqlar tədarük edib.

Estoniyada da NATO-nun irimiqyaslı hərbi təlimləri keçiriləcək. Fransa bu təlimlərdə Ukraynada faydalı olacaq xüsusi bölmə hazırlayır. Estoniyada keçirilən təlimlərdə ümumilikdə 14 min NATO hərbçisi iştirak edir.

Natiq Səlim,

KONKRET.az