Ukrayna hərbçilərinin Qara dənizdəki Zmeyni adasına növbəti zərbəsindən sonra düşmən donanmasının aktivləşməsi qeydə alınıb.

KONKRET.az xəbər verir ki, bu barədə “Cənub” operativ komandanlığının mətbuat katibi Vladislav Nazarov məlumat verib.

“Hazırda dənizdə düşmən donanmasının aktivliyi qeydə alınıb. “Raptor” desant kateri ilə növbəti zərbələrdən sonra düşmən adada olan heyətinin yerinin doldurulmasını həyata keçirməyə başladı”, – Nazarov bildirib.

Onun sözlərinə görə, rusların gəmi və sualtı qayıqları Ukrayna ərazisinə böyük təhlükə yaratmaqda davam edir.