Rusiyanın Çelyabinsk vilayətində benzin çatışmazlığı ilə mübarizə aparmaq üçün qərargah yaradılır.

KONKRET.az xəbər verir ki, bu barədə regionun rəhbərliyindən məlumat verilib.

Məlumata görə, regional hakimiyyət orqanları pərakəndə satış bazarında yanacaq təchizatında fasilələrin olduğunu, bəzi yanacaqdoldurma məntəqələrində çatışmazlıqlar, növbələr və kəskin qiymət artımları ilə qarşılaşdıqlarını etiraf ediblər.

Bildirilib ki, qərargah yanacaq axınlarını və əsassız qiymət artımları da daxil olmaqla, satış sui-istifadələrini izləyəcək.