Əfqanıstanın Bədəxşan əyalətində qəzaya uğrayan Rusiyaya məxsus Falcon 10 təyyarəsindən 1,2 milyon dollar oğurlanıb.

KONKRET.az xəbər verir ki, bu barədə Əfqanıstanın “Hasht e Subh” nəşri məlumat yayıb.

Məlumata görə, oğurluqdan sonra Bədəxşan qubernatoru Məhəmməd Həsən Axundun göstərişi işin araşdırılması üçün komissiya yaradılıb.

Təhqiqat komissiyasına “Taliban” kəşfiyyat idarəsinin rəhbəri başçılıq edir.

Hələlik nə “Taliban” nümayəndələri, nə də Rusiya rəsmiləri bu xəbəri şərh etməyiblər.

Qeyd edək ki,Rusiyanın “Athletic Group” şirkətinə məxsus olan Falcon 10 biznes-jeti ilə yanvarın 20-də axşam saatlarında əlaqə kəsilib.

Federal Hava Nəqliyyatı Agentliyi təyyarənin Əfqanıstan Tacikistan sərhəd yaxınlığında qəzaya uğradığını bildirib. Biznes-jetin mühərrikləri sıradan çıxıb və dağın yamacına çırpılıb.

Natiq Səlim,

KONKRET.az