Ukraynanın yeni Baş Qərargah rəisi, 58 yaşlı Aleksandr Sırski Rusiyada anadan olub və Moskvada hərbi məktəbdə təhsil alıb.

KONKRET.az-ın məlumatına görə, Rusiya Ukrayna prezidenti Vladimir Zelenskinin Oleksandr Sırskini Baş Qərargah rəisi təyin etməsinə reaksiya verib.

Rusiyanın keçmiş prezidenti və Milli Təhlükəsizlik Şurasının sədr müavini Dmitri Medvedyev Ukraynanın Rusiya əsilli yeni Baş Qərargah rəisini “satqın” adlandırıb:

“Sırskinin bir çox sinif yoldaşları hələ də Rusiya ordusunda yüksək rütbələrdə xidmət edirlər. Amma onun keçmişinə baxanda adamda nifrət və ikrah hissi yaranır. O, bir vaxtlar Sovet Rusiyasının məmuru olub, indi isə Bandera xaininə çevrildi. O, andını pozaraq nasistlərə xidmətə başlayıb “.

Ariz Həsənoğlu,

KONKRET.az