Sumqayıtda “Azərsun Sənaye Parkı”nın ərazisindəki yanğının söndürülməsinə helikopter cəlb olunub.

KONKRET.az xəbər verir ki, III dərəcəli yanğın təhlükəsi elan edilib.

Yanğının söndürülməsinə Sumqayıtla yanaşı, Bakıdan da yanğınsöndürənlər cəlb edilib.

19:32

Xəbər verdiyimiz kimi, Sumqayıtda “Azərsun Sənaye Parkı”nın ərazisində yanğın başlayıb.

Yanğından yeni görüntüləri təqdim edirik:

18:36

Sumqayıtda yerləşən zavodların birində yanğın başlayıb.

KONKRET.az xəbər verir ki, Bakı-Quba yolunun kənarında yerləşən iri zavodlardan birində başlayan yanğın hələ də davam edir.

18:06

“Azərsun Sənaye Parkı”nda yanğın başlayıb.

Bu barədə KONKRET.az-a Fövqəladə Hallar Nazirliyinin (FHN) Mətbuat Xidmətindən məlumat verilib.

Bildirilib ki, FHN-in “112” qaynar telefon xəttinə Sumqayıt şəhərinin Hacı Zeynalabdin qəsəbəsində “Azərsun Sənaye Parkı”nın ərazisində yanğın olması barədə məlumat daxil olub. Məlumatla əlaqədar FHN-nin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.

Hazırda yanğının söndürülməsi istiqamətində operativ və təxirəsalınmaz tədbirlər həyata keçirilir.

Əlavə məlumat veriləcək.