ABŞ prezidenti Donald Tramp ABŞ-ın keçmiş baş prokuroru Pam Bondini Ağ Evin süni intellekt (Sİ) üzrə məsləhət şurasına təyin edib.

KONKRET.az musavat-a istinadən xəbər verir ki, Şurada həmçinin Amerika texnologiya korporasiyası Meta-nın baş direktoru Mark Zuckerberg, Nvidia-nın baş direktoru Jensen Huang və Oracle-ın həmtəsisçisi Larry Ellison da daxil olmaqla bir neçə böyük şirkət rəhbəri var.

Portalın məlumatına görə, Bondi şuranın biznes nümayəndələri ilə ABŞ hakimiyyəti arasında əlaqələndirmə işindən məsul olacaq.

Aprel ayının əvvəlində Tramp Bondinin ABŞ Ədliyyə naziri vəzifəsindən istefa verdiyini elan edib. Amerika lideri daha sonra qeyd edib ki, o, “daha sonra elan ediləcək özəl sektorda vacib və tələb olunan bir işə keçəcək”.

Mediada yayılan məlumatlara görə, Bondinin istefasının əsas səbəbi Trampın onun uşaq təcavüzünə görə məhkum edilmiş maliyyəçi Ceffri Epşteynin işi üzrə sənədlərin açıqlanması ilə bağlı işindən narazılığı olub.