Qoç – Heç olmasa bir neçə saatlıq mühiti dəyiş. Əks halda, döyüşkən ruhun macəra axtarmağa elə iş yoldaşlarının arasında başlayacaq.

Buğa – Yeni təklifi sadəcə qeyri-adi formada təqdim edildiyinə görə rədd etmə. Bu gün qazanc bahalı portfel və qalstuk olmadan da gələ bilər.

Əkizlər – Təsadüfən eşitdiyin bir cümlə səni dəyərli bir fikrə yönəldəcək. Bəzən danışmaq əvəzinə diqqətlə dinləyən biri kimi görünmək daha faydalıdır.

Xərçəng – Özünə məişət işlərindən uzaq, sakit bir axşam hədiyyə et. Toz heç yerə qaçmayacaq və buna cəhd də etməyəcək.

Şir – İstəklərini cəsarətlə dilə gətir. Amma ətrafındakıların onları yalnız üz ifadəndən anlayacağını gözləmə.

Qız – Tanış bir problemi yeni üsulla həll etməyə çalış. Köhnə üsul artıq nəticə verdiyi üçün yox, sadəcə vərdişə çevrildiyi üçün işləyir.

Tərəzi – Bu gün barışmaq üçün münasib gündür. Yetər ki, söhbətə qarşı tərəfin 2018-ci ildən bəri etdiyi bütün “günahların” siyahısını sadalamaqla başlama.

Əqrəb – Gözlənilməz bir rəqib səni daha ciddi hazırlaşmağa vadar edəcək. Ancaq qalib ən qorxulu görünən deyil, ən yaxşı hazırlaşan olacaq.

Oxatan – Enerjin ətrafındakılara da təsir edəcək. İnsanları arxanca apar, amma əvvəlcə hamınızın hara getdiyini dəqiqləşdir.

Oğlaq – Günün ikinci yarısında faydalı bir fürsət yaranacaq. Onu dəyərləndirmək üçün sevdiyin sabitliyi qısa müddətə kənara qoymalı olacaqsan.

Dolça – Yeni bir məkan və ya yeni bir mühit sənə xoş təəssüratlar bəxş edəcək. Yetər ki, bütün axşamı telefonuna sarılaraq keçirməyəsən.

Balıqlar – Yaradıcılıq ruhun darıxdırıcı bir işi maraqlı edə bilər. Amma unutma ki, parıltılar hər hesabat üçün uyğun deyil.

Rəsmiyyə Şərifova,
KONKRET.az