ABŞ dövlət katibinin Avropa və Avrasiya məsələləri üzrə köməkçisi Karen Donfrid bu il iyunun 14-dən 19-dək Cənubi Qafqaza səfər edəcək.

KONKRET.az xəbər verir ki, bu barədə informasiyanı ABŞ Dövlət Departamenti yayıb.

“Dövlət katibinin Avropa və Avrasiya məsələləri üzrə köməkçisi Karen Donfrid ABŞ-ın Cənubi Qafqaz regionunda sülh, demokratiya və firavanlığa sadiqliyini vurğulamaq üçün iyunun 14-dən 19-dək Azərbaycan, Gürcüstan və Ermənistana səfər edəcək”, – məlumatda deyilir.

Qeyd edilir ki, Donfrid səfəri çərçivəsində ABŞ-ın region ölkələrinin suverenliyi və müstəqilliyinə dəstəyini açıqlayacaq.

ABŞ Dövlət Departamenti Vaşinqtonun Cənubi Qafqazda davamlı sülhün bərqərar olmasına kömək etməyə, o cümlədən regionda siyasi, iqtisadi və şəxsiyyətlərarası əlaqələrin inkişafına dəstək verməyə hazır olduğunu vurğulayıb.

Səfər zamanı dövlət katibinin köməkçisi ABŞ-ın Azərbaycan və Ermənistan arasında davamlı sülhün əldə edilməsinə yönəlmiş diplomatik səylərinə dəstəyini vurğulayacaq, Ukraynaya humanitar dəstəyə və Avropanın enerji təhlükəsizliyinin təmin edilməsinə görə Azərbaycana təşəkkür edəcək.

Roman Göytürk, 

KONKRET.az