İranın sərbəst ticarət axınına təhlükə yaratmaq cəhdlərinə cavab olaraq ABŞ Hörmüz boğazına iki desant gəmisi, “USS Bataan” və “USS Carter Hall” göndərəcək.

KONKRET.az xarici KİV-ə istinadən xəbər verir ki, bununla bağlı müvafiq əmri Pentaqonun rəhbəri Lloyd Ostin verib.

Onun sözlərinə görə, “F-35” və “F-16” qırıcıları ilə birlikdə “USS Thomas Hudner” (DDG-116) gəmisi daha əvvəl boğaza göndərilib.

“Birləşmiş Ştatlar bu addımı ilə İranın regionda sabitliyi pozan fəaliyyətlərinin qarşısının alınmasında sadiq olduğunu nümayiş etdirir”, – Pentaqonun açıqlamasında deyilir.

Qeyd edək ki, Pentaqon bu həftə Yaxın Şərqə döyüş təyyarələri göndəriləcəyini açıqlayıb.

İqbal Rzayev,

KONKRET.az