ABŞ rusiyalı iş adamı Konstantin Malofeyevdən müsadirə edilən 5,4 milyon dolların Ukraynaya köçürüldüyünü açıqlayıb.

KONKRET.az CNN-ə istinadən xəbər verir ki, bu barədə ABŞ-ın Baş prokuroru Merrik Qarland bildirib.

“Müsadirə edilmiş Rusiya aktivlərinin Ukraynada istifadə üçün ilk dəfə köçürülməsinə icazə vermişəm”, – o deyib.

ABŞ-da olan Ukraynanın Baş prokuroru Andriy Kostin Vaşinqtona dəstəyə görə təşəkkür edib.

Qeyd edək ki, Malofeyev 2014-cü ildən ABŞ-ın sanksiya siyahısındadır. Nyu-Yorkun Cənub Dairəsi məhkəməsi ABŞ Ədliyyə Departamentinə sanksiyaları pozan milyarderin təxminən 5,4 milyon dollarını müsadirə etməyə icazə verib.

İqbal Rzayev,

KONKRET.az