Paytaxtın Sabunçu rayonu, Ramana qəsəbəsində yerləşən tarixi Ramana qalasının ətrafında xoşagəlməz mənzərə yaranıb.

KONKRET.az xəbər verir ki, Əraziyə məişət tullantıları, quru ağaclar və müxtəlif zibillər atılıb.

Baku TV-nin ərazidə olan əməkdaşının sözlərinə görə, yaxınlıqda zibil konteynerlərinin olmasına baxmayaraq, tullantılar, əsasən, axşam saatlarında əraziyə gətirilərək boşaldılır.

Bildirilib ki, tullantılar arasında quru ağacların çox olması təhlükə yaradır.

Belə ki, zibilliyin yaxınlığından qaz boruları keçir. Tullantıların yandırılması halında alovun borulara keçməsi ciddi fəsadlara səbəb ola bilər.