“Qəzzada törədilən qırğına haqq qazandırmaq olmaz”.

KONKRET.az xəbər verir ki, bunu Türkiyə Prezidenti Rəcəb Tayyib Ərdoğan Türkiyə Gənclik Fondunun (TÜGVA) toplantısında çıxışı zamanı bildirib.

O, ABŞ-ın bu məsələdə mövqeyini tənqid edərək, bütün dünya ölkələrini sülhə nail olmaq üçün səy göstərməyə çağırıb. “Amerika sülh bərqərar etməyə çalışır, yoxsa odun üstünə benzin tökür?”, – Ərdoğan deyib.

“Qəzzada su, çörək, yemək yoxdur. Bu, Ümumdünya İnsan Hüquqları Bəyannaməsinə ziddir. Qərb haradadır? İndiyədək hansı tədbirlər görülüb? Heç biri”, – Türkiyə prezidenti qeyd edib.

Ərdoğan Qəzzanın bombalanmasını qətliamla müqayisə edib.

Türkiyə liderinin sözlərinə görə, dövlətlər qanunlara tabe olmağa və buna görə məsuliyyət daşımağa borcludurlar.

Ariz Həsənoğlu,

KONKRET.az