Xaçmazın Köhnə Xaçmaz kəndi polis tərəfindən xüsusi nəzarətə götürülüb.
KONKRET.az xəbər verir ki, buna son günlər kənd ərazisində korovirusa yoluxanların sayının artması səbəb olub.
Son məlumata əsasən, kənddə səkkiz yoluxma faktı qeydə alınıb. Xaçmaz Gigiyena və Epidemiologiya Mərkəzinin şöbə müdiri Saleh Pirəliyevin sözlərinə görə, virus Bakıdan gələn koronavirusa yoluxmuş şəxsdən kəndə yayılıb.
Həmin şəxs virusu əvvəl ailəsinə, daha sonra digər şəxslərə yoluxdurub.
Kənddə artıq polis əməkdaşları tərəfindən sakinlərlə maarifləndirici söhbətlər aparılıb, marşrut xətləri ilə hərəkət edən bütün avtobuslara nəzarət gücləndirilib.
Baku TV