Azərbaycanın İsveç Krallığındakı müvəqqəti işlər vəkili Günəş Rüstəmzadənin siyasi sığınacaq istəməsi barədə yayılan məlumatlara aydınlıq gətirilib.

KONKRET.az-ın xəbərinə görə, G.Rüstəmzadə bu informasiyanı təxribat adlandırıb: “Bu təxribatdır. Mən hazırda öz iş yerimdəyəm. Başa düşmrəm kim və nə üçün  belə dezinformasiyanı yayır?” – deyə o bildirib.

XİN-dən də bu məlumat təkzib olunub və informasiya diversiyası adlandırılıb.

Qeyd edək ki, bir neçə saat əvvəl sosial şəbəkədə Azərbaycan diplomatının sığınacaq üçün müraciət etdiyi barədə məlumat yayılıb.

haqqın.az