Cənubi Koreya Konstitusiya Məhkəməsi Milli Assambleyanın Baş nazir Han Dok Sunun impiçmenti ilə bağlı arqumentlərini qəbul etməyib və onu vəzifəsinə bərpa edib.
KONKRET.az axar.az-a istinadən xəbər verir ki, bu barədə məhkəmənin mətbuat xidməti məlumat yayıb.
“Məhkəmə 24 mart tarixində Baş nazir Han Dok Suya qarşı irəli sürülən impiçment ərizəsini rədd etmək qərarına gəlib”, – bəyanatda bildirilib.
Məlumata görə, 8 hakimdən yalnız biri impiçmentin lehinə səs verib.
Bu qərarla Han Dok Su yenidən baş nazir kimi vəzifəsinə qayıdıb və prezident səlahiyyətlərini icra etmə statusu da ona qaytarılıb.