Prezident Co Bayden ABŞ-ın tezliklə İranı azad edəcəyini deyib.
KONKRET.az TASS-a istinadən xəbər verir ki, bunu ABŞ lideri cümə axşamı Kaliforniyada yerli demokrat namizədin seçki kampaniyasında çıxış edərkən səsləndirib:
“Narahat olmayın, biz İranı azad edəcəyik. Onlar özlərini tezliklə azad edəcəklər”.
Zalda oturanlar prezidentin bu sözlərinə təqdir nidaları ilə reaksiya verib.
Qeyd edək ki, sentyabrın 16-da dünyasını dəyişən 22 yaşlı Məhsa Əmininin dəfn mərasimindən sonra İranda iğtişaşlar bir aydan artıqdır ki, səngimir. İğtişaşlar fonunda ABŞ və Aİ İrana qarşı sanksiyalar tətbiq edib.
İqbal Rzayev,
KONKRET.az