Bolqarıstan Baş naziri Boyko Borisov Azərbaycan qazının ölkəyə tədarükünə başladığını elan etdi.

KONKRET.az xəbər verir ki, Borisov bunu “Petriç” kompressor stansiyasını gəzərkən bildirib. Onun sözlərinə görə, bu stansiya vasitəsilə Azərbaycandan ildə bir milyard kubmetrdən çox yanacaq nəql ediləcək.

Baş nazir əlavə etdi ki, bunun sayəsində gələcəkdə Bolqarıstana qaz tədarükü ilə bağlı problem olmayacaq. Bundan əlavə, Azərbaycan qazının ölkəyə nəqli ilə yanaşı, Sofiya üzərindən digər Avropa ölkələrinə təbii qaz tədarükünün şaxələndirilməsinə nail olunacaqdır.

KONKRET.az