Avropanın bir sıra ölkələrində halları aşkarlanmış “meymun çiçəyi” virusu təhlükəli xəstəlikdir və onun müalicəsi yoxdur.

KONKRET.az xəbər verir ki, bu barədə virusoloq, Rusiya Elmlər Akademiyasının müxbir üzvü Aleksandr Lukaşev “Gazeta.ru”ya müsahibəsində danışıb.

“Virus kifayət qədər təhlükəlidir, halların təxminən 1 faizi ölümcül ola bilər, virusa qarşı dərman yoxdur”, – o bildirib.

Eyni zamanda, Lukaşev qeyd edib ki, görünür, xəstəlik kifayət qədər ləng yayılır, ona görə də lazım gələrsə, ona nəzarət etmək koronavirusdan daha asan olacaq.//Publika.az