Bugünkü yoluxma rəqəmləri reallığı əks etdirmir – VİDEObackend

Bugünkü yoluxma rəqəmləri reallığı əks etdirmir - VİDEO

Bayram günlərində ictimai nəqliyyat işləmədiyi üçün bu gün deyə bilərik ki, koronavirusa yoluxma sayının artmasının ən çox baş verdiyi məkanlar kafe-restoranlardır.

KONKRET.az xəbər verir ki, bunu “ARB 24”ün “Gündəm” verilişinə açıqlamasında infeksionist Vüqar Cavadzadə deyib.

O bildirib ki, sözügedən məkanlarda karantin davranış qaydalarına riayət olunmur və müştəri sayı sahənin tutumuna uyğun deyil:

“Bayram günlərində ictimai nəqliyyat işləsəydi, yoluxma sayı daha çox olacaqdı. Müşahidələrimə əsasən deyə bilərəm ki, son günlər ambulator şəraitdə müalicə etdiyim insanların əksəriyyəti bayram günlərində təşkil edilən məclislərdə yoluxub. Bu yoluxmalar isə daha çox ailədaxili yoluxmalar olub”.

V. Cavadzadə bildirib ki, yoluxma sayında artım bu cür davam edərsə, karantin sərtləşdirilə bilər:

“Epidemik alovlanmanın qarşısı alınmasa, yoluxma sayı daha da artacaq. Bu halda isə təbii ki, sərt karantin tədbirlərinin tətbiq olunması gözlənilən olar.

Onu da qeyd edim ki, bayram günlərində vətəndaşların testlərlə bağlı müraciəti azaldığı üçün hazırda gündəlik açıqlanan rəqəmlər reallığı əks etdirmir”.

 

Loading...

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*