KONKRET.az xəbər verir ki, Ermənistanın ədliyyə nazirinin müavini Srbuhi Qalyan bildirib ki, cəzaçəkmə müəssisələrində mövcud problemlərin həlli yolları müəyyən edilib. Bu, Penitensiar və Sınaq Strategiyası layihəsində öz əksini tapıb.

“Bu gün penitensiar müəssisələrdə mövcud olan çoxdankı, köklü problemləri həll etmək imkanımız var. Yeni cəzaçəkmə müəssisələrini tikəcəyik, cəza üçün layiqli şərait yaradacağıq, yenidən ictimailəşdirmə işlərini aparacağıq, məhkum edilmiş və tutulan şəxslərə göstərilən tibbi xidmətin keyfiyyətini artıracağıq. Yəni, yaxın gələcəkdə cəzaçəkmə müəssisələrində saxlanılan şəxslərin peşə hazırlığını aparmaq, sonra isə onları işlə təmin etmək imkanımız olacaq”, – deyə nazir müavini tərəfdaş QHT-ləri müvafiq təklif və proqramlar hazırlamağa çağırıb.

Nazirliyin Penitensiar Siyasətin İnkişafı şöbəsinin müdiri Arpine Sarkisyan da konfransda Ermənistanın qapalı müəssisələrində insan hüquqlarının vəziyyətini müzakirə etmək üçün iştirak edib və penitensiar müəssisələrdə mövcud olan problemlərin həlli istiqamətində görülən işləri təqdim edib.